諾諾一家去食《牛摩-黑安格斯牛肉 X 海鮮拼盤放題》
出街食飯問諾諾同諾爸爸想食乜... 一個話想勁食牛肉,一個話想食雪糕，最好嘅方法就係去 #牛摩 食放題啦 。
今次嚟到竟然撞到 #黑安格斯牛肉 做推廣啊！🤭$330半價/一位（即係$165）每位再送一個海鮮拼盤😍即刻衝入去！
海鮮拼盤雖然係免費，又唔係任食，但質素絕對OK👍蝦比諾諾食晒，無辦法評價🤨蠔、帶子、 墨魚都鮮甜👏
至於黑安格斯牛肉，諾媽就覺得肉味明顯係濃過平時食嘅肥牛😋不過由於始終都係簿切＋火鍋形式，所以就食唔到肉汁同口感😅期待下次食扒再試黑牛🤭
火鍋放題除咗肉，配料都好緊要，牛摩有齊一家人鍾意食嘅菇菌類、木耳、丸類、菜類、南瓜、烏冬、超甜粟米👍
飲品同牛一最唔同就係呢度有沙冰♥️😋芒果沙冰配打邊爐真係好正，重有少量壽司前菜都係任食，真係抵。
食飽最後再加個乳酪雪糕配朱古力碎🙈好邪惡啊大佬😂呢個價錢真係食得好滿足👏
減肥嘅事... 聽日再繼續😅
Search